Nabosana BENI

Nazwa momeseno
ya koyokaka makelele
ya kolelaka na yo.

Motema emesana
na komonaka ebele
ya pasi eyelaka yo.

Mawa esunda,
pongi eyingela,
Olongwa susi na ngai.

Lelo oyo,
ozokufa
nazotala te.

Ekomeli ngai boni?
Motema libanga
Nazwi wapi?

BENI ekomi kombo
molimo na ngai
esalaka lokola eyoki te.

Dongolomiso
Basilisi bato na koboma
Mpinzoli te.

Nzoto ya mwasi
ekomi eyinelo,
Nakosoli te.

Bana basili na kokufa
Ngai matoyi
lokola ezosala te.

Naweli bokonzi na Kisasa,
Nazwi tango te
ya kobatela yo.

Naluki butu na moyi
Babenga ngai Excellence,
Ye oyo aleki na malonga.

Naluki na bikota-kota
Babenga ngai Honorable,
Ye oyo abongi na lokumu

Ya solo wana?
Malonga, nazali?
Lokumu, nabongi?

Tango babengaka ngai
Excellence
Bakanisaka penza ete
Nazali malonga koleka?

Tango babengaka ngai
Honorable
Bakanisaka penza ete
Nabongi na lokumu?

Liwa na yo,
Nayokaki yango,
Nabosanaki yango.

Mokolo bakundaki yo,
Nazalaki na Kisasa
Nawelaki bibonga.

Naloba nini?
Mayele te
Nawangana.

Kihonorable nalukaki
Bapesi ngai na ndikila
Kiexcellence natekaki mboka
Balongoli mafuta nzoyi.

Lelo nakomi na suka
Tina nasamba te.
Oyo nalonaki
Nde

 

 

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *