Epelelo ya Nyragongo etomboki

Epelelo ya Nyiragongo etombokaki uta lobi na ngonga ya 19h. Engumba Goma ezali na ngele ya ngomba ya Nyiragongo.

Epesaki kobanga po, mingi-mingi tango etombokaka, efulukaka na mpwasa. Na móto makasi wana, mabanga enyangwamaka pe etiolaka lokola poto-poto.

Tozali kozela bandeko oyo bafandi kuna na monyele bayebisa ndenge makambo ezali kolekana.

Na somo, bandeko ya Goma bazalaki kokima po bakende na ngambo ya Rwanda po ezali mwa mosika na epelelo. Kasi na tongo awa, basili babandi kozonga.

Nanu sango eyebani te na oyo etali makama pe bakufi.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *