Yanke mbendre yuma ntusa zembe-zembe

Eleki mwa mikolo tolukaki koyeba bokeseni ezali kati na yuma na mbendre.

Tolobaki ete, yuma azali moto oyo amoni malamu ndenge ozomela ye. To pe aye kosutuka, esi omeli ye. Kasi azangi makasi ya koloba to ya kopekisa yo. Afandi nye. Kasi ayebi que omeli ye.

Bayuma misusu akozela yo na faux pas. Atelema na coin, yo Yanke, omesana komela bato, obangaka makambo te, tii mokolo okosutuka, mama na kibota na kingo. Yango nde balobaka : »Yanke amela yuma; Yuma abara yanke ».

Mbendre ezali moto oyo azali kokanisa que azali Yanke. Azwi tango te ya kososola ete, oyo ye azolinga komela, azali yuma te kasi suka na yanke.

Yanke atiki ye asala. Na suka yanke ameli ye na mbongo oyo atiaki na kop, na mbongo oyo ebongaki apesa na ndaku po na kolia.

Bango nde bato oyo bayanke bazalaka, azotala ye tango azosala bisala-sala: yanke na motema azoloba : »tala mbendre oyo! »

Ntusa eza moto oyo, makambo ezoleka liboso na ye, azomona kasi azoyeba te nini ezoleka. Kidiba efandaka epayi na bango.

Zembe-zembe eza moto oyo atonda lolendo pe komitala-tala, komilula-lula. Azozwa tango te ya kososola makambo oyo ezoleka liboso na ye.

Yanke azali moto oyo asalelaka mayele nyonso pe makasi nyonso oyo azali na yango po azwa oyo azali koluka.

Akokipe te soki ezotosa mobeko to ezotosa mobeko te, nyonso ye azoluka ezali azwa oyo ye azali koluka po na bolamu na ye.

Yanke azali pe moto oyo, akotikela yo tango te omela ye. Soki atiki yo oluka komela ye, ayebi que, na système ya dam, apesi yo olia bana mibale po ye alia yo bana mitano.

Bayanke ya gentil, soki amoni mbendre alingi komela yuma moko ye asepelaka na ye, akopekisa mbendre. Kasi Yanke mosusu, akopekisa mbendre, ye moko azwi yango.

Oza yanke, yuma, mbendre, ntusa to zembe-zembe?… to pe vizolongo, kengidila?

Kisasa ya awuluwala, ya mwana na mwana bendana, Kisasa mbok’elengi, epekisami kidiba, mabukana adaya, Kisasa ya Ekenge fait l’homme.

Kisasa oyo Abumba Masikini ayemba:
« Kisasa mboka batutaka tolo te
Batonga-tonga bandako
Bakoma lelo kofutela
Ya nini ngai nawela
Ngai nakipaka moto te ».

Ezosenga ekenge liboso otuta tolo ete yo Yanke.

Ezosenga okima kobenga moninga yuma, mbendre, ntusa to zembe-zembe.

Eza kaka Kisasa te. Mokili nde eza bongo. Monde arabe, monde Okinawa, monde ya beton! Eyemba Mopao Mokonzi, songe ya mbeli?

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *