Tokutani nde na libongo

Tokutani nde na Libongo

Natelemi na libongo
Yo na bwatu
Ozali koluka
Okende minano

Nasengi yo
Soki okoki komema ngai
Opusa ngai na mboka
Oyo ezali mwa liboso

Oboyi
Okobi mobembo na yo
Ngai natikali na libongo
Ndenge okutaki ngai

Okomi kolobaloba ete
Nakotelengana
Nakosambwa
Butu ekoyindela ngai pii!

Epayi nawuti
Oyebi te
Epayi nazali kokende
Oyebi te

Bibale boni nakatisi
Oyebi te
Zelo boni napoti
Oyebi te

Zamba pe bisobe boni naleki
Oyebi te
Ngomba boni nabuti pe nakiti
Oyebi te

Eloko elongoli ngai na mboka
Oyebi te
Eloko ezotinda ngai
Oyebi te

Bompikiliki oyo elati ngai
Oyebi te
Osepeli obelela
Boni yo bilobela boye?

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *