Théorème de thalès na Lingala. Mobeko ya Bokokaneli (Banzela ekutana, ekata banzela ekutana te).

Mobeko oyo tokoyekola awa, eyebana uta tango ya bakoko na biso.
Mobeko yango ezalaki na tina monene po na koyeba ndenge ya kokabola mbongo, bilanga, to pe, banzela …

1. Uta Bakoko

Mobeko oyo tokoyekola awa, eyebana uta tango ya bakoko na biso.
Ezala na tango ya Ishango to na tango Bakoko misusu bakendeki na Kemet to Egypte.
Mobeko yango ezalaki na tina monene po na koyeba ndenge ya kokabola biteni ya bilanga, to pe, kosala banzela ya mikuse.

2. Tina ya mobeko yango

Kino na moyi ya lelo, mobeko yango esungaka mingi na oyo etali kokabola bitando, banzela to mbongo, pe bongo na bongo.
Toyekola yango malembe-malembe.

3. Esembwama pe eteni-esembwama

Esembwama (droite) ezali nzela oyo egumbama te. Esembwama ezalaka na suka te.
Eteni-esembwama ezali eteni ya esembwama. Esuka na bisukeli mibale.

4. Bisembwama ya nzela moko

Ozali na banzela esembwama mibale (m na n).
Ekende nzela moko, kasi etikala kokutana te.
Na matematiki tokoloba : bisembwama ya nzela moko (droites parallèles)

bisembwama ekutana te

 

 

 

 

5. Bisembwama ekutana

Ozali na banzela esembwama mibale (j na k).
Banzela yango ekutana na A.
Na matematiki tokoloba : bisembwama ekutana (droites sécantes)

bisembwama ekutana

 

 

 

 

 

 

 

6. Ekataneli

Soki bisembwama ekutana, ekati bisembwama ya nzela moko.

Bokokaneli

 

 

 

 

 

 

Elingi koloba :
Tozali na bisembwama minei : j, k, m, n

j na k bakutani na A
m na n bakutana te.

j ekati m na D
j ekati n na E

k ekati m na B
k ekati n na C

Tozali na biteni-esembwama minei (4) :

na k : AB, AC
na j : AD, AE
na m : BD
na n : CE

7. Mobeko ya bokokaneli

Mobeko ya bokokaneli elobi boye :

Na nzela moko-moko, biteni ya mikuse ekokota mbala ndenge moko na kati ya biteni ya milayi.

Na ndenge ya matematiki tokokoma :

fraction 1

 

 

 

Mbala AB ekoti na AC, ekokani na mbala AD ekoti na AE, ekokani na mbala BD ekoti na CE.

 

Ndakisa

 

AB = 2cm ; AC = 4cm

fraction 2

 

 

 

Elingi koloba AB ekokota na AC mbala mibale.

Soki sikoyo, AD ezali 7cm.

Mobeko oyo ezali kotinda biso tomiyebela molayi ya AE. Ndenge nini? Tokosalela boyokani oyo :

fraction 3
Totala makokani mibale oyo ya liboso :

fraction 4

 

 

 

Toyebi AB, AC pe AD. Tozali koluka AE.

fraction 5

4 réflexions au sujet de « Théorème de thalès na Lingala. Mobeko ya Bokokaneli (Banzela ekutana, ekata banzela ekutana te). »

  1. Je suis tellement touché que j’ai des larmes aux yeux. Juste ces exemples montrent que le plus grand problème de la compréhension des sciences reste l vecteur de transmission qui est la langue. C’est avec une facilité déconcertante que je comprends ces quelques lignes expliquer en lingala. C’est merveilleux…

  2. ahhhhhhh oza fin soki ministere ya epsp a soutenir ba recherche ya boye batu bakoli nga math po ekomi facile matondo mingi na musala ya lokumu SENE MONGABA OZO SALA

  3. Bien rendu. Bravo ! L’unique bémol la structuration grammaticale des phrases qui à mon avis conduit à mémoriser les mots de la langue, au lieu de les retrouver par simple logique comme cela se fait dans toutes les langues africaines. Par exemple à la place de « j na k bakutani na A » j’aurais écrit « j na k ba kutani na A » cela montre le temps composé introduit par le « ba » de « ba kutani » ou le « to » dans « to kokoma » de « Na ndenge ya matematiki tokokoma ». D’autre part, il est important d’éviter le pidgin en l’occurrence ici « matematiki ». D’après les « Mathématiques Egyptiennes » de Théophile OBENGA, le mot mathématique est le rendu en grec du fait d’acquérir le savoir auprès d’un maître. De mon point de vue il est souhaitable de faire la traduction du mot mathématique soit à partir de la compréhension Grec soit de la définition originale rapportée par Ahmes dans le papyrus dit de Rhind. Il existe bien des mots en Lingala ou dans les langues dites bantu avoisinantes qui peuvent permettre de définir ce concept.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *