RDC, okomi kuna ndenge nini ?

Ndeko na ngai wa bolingo Tata N’longi Bia Titudes akomi boye :

« – Comment tu en es arrivée là, RDC ? »

Okomi kuna ndenge nini, RDC ?

« Cet arbre c’était ta richesse, tes resources, comment est-ce devenu ton problème, ta prison ? »

Nzete oyo ezalaki bomengo na yo, makoki na yo. Bongo lelo, ebongwani mindondo na yo ? Boloko na yo ?

« – j’ai la richesse, mais il me manque des hommes riches de qualités humaines. »

Nazali na bomengo kasi nazangi bakulaka.

« Quand tu as la richesse sans avoir l’esprit riche, ta richesse devient ta prison. »

Soki ozali na bomengo kasi ozangi molimo ya mozwi, bomengo na yo ekokoma nde boloko na yo. »

Yango wana, nabakisi maloba boye :
Ekomi tango bato ya bwanya babelela maloba ya bwanya na mongongo makasi koleka po maloba ya bolema oyo ya bilema pe babolole eyokana lisusu makasi te.

Kaka mboka oyo ekonzamaka na bwanya nde etombwamaka.

Tango nalobi « kokonzama na bwanya », nalobi te ete, baoyo bazali wana balongwa po baoyo bakomibenga bwanya bakitana. Te, nalobi bongo te.

Nalobi boye :

Esengeli bwanya elobama na mongongo makasi po ata Tata-Mokonzi pe bakambi banso, maloba ya bwanya ekwelelaka bango na matoyi lokola mbula.

Butu na moyi, maloba ya bwanya egangama koleka djalelo. Egangama koleka bolema. Makanisi pe maloba oyo ekolakisa biso nzela tolanda.

Nalobi : makanisi pe maloba.

Nalobi te : moto oyo akolakisa biso nzela. Te. Nalobi bongo te.

Moto aza moto, ata ayebi 90 % ya nzela, akobungisa bino na 10 % oyo ya boyinga na ye.).

Tokambama na makanisi pe maloba ya bwanya. Yango nde ekosunga biso po tosalela bomengo na biso, tolongwa babola tokoma bazwi.

Nalobi tokoma bakulaka pe bazwi.

Nalobi te : tokoma bato ya mbongo. Okoki kozala na bifuku (millions) ya badolar kasi ozali mobola.

Okoki kozala moto ya mbongo kasi na molimo pe bizaleli ya mobola. Okotikala mobola.

Elilingi oyo ekanisami pe ekangami na Jered Berclaire’s Modua N’zale .

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *