Prix Nobel de chimie (Mbano Nobel ya shimi) 2018

Mbano Nobel ya shimi (Prix Nobel de chimie) po na 2018 epesamaki na baluki misato : Mama Frances Arnold pe batata George Smith pe Gregory Winter. 

Bapesi bango mbano yango po na misala na bango na makambo ya proteyini (proteïne). Basalelaki likanisi ya « epusaneli » (évolution) po na kobimisa baanzime (enzymes) pe bibundeli-nzoto (anticorps) ya sika.

Mama Frances Arnold ayekolaka ndenge ya kokonza epusaneli ya baanzime (enzymes dirigées). Akotisaka mantindiki (mutations) oyo ya tina na kati ya anzime po anzime yango ekoka kosunga na kosala babiocarburant pe bakisi po na makono.

George Smith akela mayele ya kosalela bavirisi bilia-bakteri (bavirisi oyo ekotaka na kati ya bakteri, edioti-dioti yango pe ebomi yango). Akela mayele wana po na kosala baproteyini ya motindo ya sika.

Baproteyini oyo Smith asalaka, Winter abongisaka yango lisusu makasi po na kosala bibundeli-nzoto (anticorps) oyo etelemelaka makono lokola kanser pe makono ya bomibundeli (maladie auto-immunes).

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *