Po na nini, Baboti na Congo, botindaka bana na bino na kelasi? M

Masolo nasololaki na balakisi, ezali komonisa ete, po na baboti pene na 80%, batindaka bana na bango na kelasi po

Lire en français

bayeba koloba français pe lobi « bakoma bato » (bazala na bozwi ya malonga). Ya mibale ezali nde kozwa diplom.

Kasi, bana bakoma bakolo boyebi, to pe, bakoma bansomi na kati ya mboka, bilandelami oyo mibale, ezali ata te na biyano ya baboti pene na 70%.

Molongo oyo ya motuya ya makambo bazali kolandela, ezali kaka epai ya baboti te. Ezali pe epai ya bakolo biteyelo pe bakambi biteyelo.

Na mobeko-lopango ya kotangisa (loi-cadre de l’enseignement) pe na miango (programmes) ya mateya na RDC emonisi polele ete bilandelami oyo mibale nde ezali na tina monene. Kasi, soki totali bizaleli ya bakengeli-matéya (inspecteurs) ya ministere pe soki totali misala ya kolamusa bato, tozali komona ete elandelami monene ya mateya ezali kaka : koyeba français.

Mokolo na sima ya mokolo, tango nazali kotala RDC, tango nazali kotala etamboli pe bozelami (makambo bazali kozela) ya baboti, ya bayekoli, ya balakisi, ya guvernema, ata ko ezali kolobama pamba-pamba ete tosengeli kotombola ndelo ya mateya na Congo, tango nyonso tozali kozonga se na susi moko, endimama polele to te, eloko ezali kotungisa tango nyonso ezali : bayekoli bayeba koloba français.

Bilandelami penza ya kelasi ezali komonana te na bozelami ya bato. Epai ya bayekoli, nayoki ata te ete « nayina matematiki ». Koyeba nzebi (sciences), nkita (économie), botangi bomengo (comptabilité) ; koyeba kotanga, koyeba kokoma, koyeba mituya, kotonga kosakola ; koluka biyano ya mameki (exercices), koyeba maye maleka, koyeba jografi ya Congo, pe bongo na bongo… nyonso wana eyaka na sima. Eloko balingi ezali nde : koloba français!

Ata moto moko akomituna : Po na nini, na sima ya posa oyo nyonso, tozokoka kaka koloba français yango malamu te?

Une réflexion au sujet de « Po na nini, Baboti na Congo, botindaka bana na bino na kelasi? M »

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *