Po na kosala savon, esengi ozala chimiste?

Tozali na nzebi ya kemi (shimi)(sciences chimiques), tozali na misala ya shimi (applications chimiques).

Po na kosala savon, mwa formation ya póso moko ekoki, moto akoyeba kosala savon, ekómí pe mosala na ye, ya kobika na yango.

Po na kopetola mayi ya komela, mwa formation ya sanza moko, moto akoyeba kopetola mayi, akomi pe kopetola mayi, ezala po na ye moko, ezala po na koteka.

Misala yango ezali ebele, ebele, ebele. (savon, mayi, masanga, langi, bilei, kisi ya kosukola ndáko, kisi ya makono, pembe ya kokoma,…). Ezosenga te, osala mvula mitano na boboongo (université), po na koyeba kosala yango.

Kasi, moto oyo asali mvula mitano na boboongo (université), esengeli ayeba kosala misala wana.

Biso sikoyo tosali mvula mitano ya koyekolaka shimi! Esengélí toyeba kosala bamisala wana, po, soki ozwi mosala te, omikelela mosala.

Soki tolingi tokela mulongo ya Bayi-shimi (ordre des chimistes), ezali te po na kopekisa bato basala misala ya shimi, ezali nde po na komonisa, mosala na mosala na shimi, ezali na ndelo ya koyekola po na kosala yango na ndenge esengeli. Nani akoki kosala nini?

Natangaki article ya Muswema, Ekoko, pe baluki mosusu. Balimbolaki ndenge nini basalelaki bobulowi-gama (gama-irradiation) po na kozwa mabanga-engelaka ya tetraokisidi ya trikobati (Co3O4).

Po na kosala mosala ya boye, ekosenga mvula koleka mitano. Moto akoki te na sima ya poso moko ya Geiser, akoma kobulowaka bitongqmi (koirradiaka bacomposé).

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *