Oyo obengi zoba, azoseka yo po ye ayebi nini azosala

Na mobeko, bato oyo bayebi te nini moto azali kosala pe bazali ata na likanisi te epayi makambo yango ekomema ye, bango nde basekaka oyo azali kosala likambo pe bamimonaka ete bango nde mito na bango ezali kosala.

Kasi moto oyo ayebi eloko azali kosala pe ayebi epayi wapi ekomema ye, ye azalaka lokola moto oyo amemi maki. Aswanaka te, abundaka te po oyo ye amemi ezali na motuya pe ezali kosenga azala na angele.

Akomipesa mobimba, nzoto, molimo pe makanisi se na oyo ye azali koluka kokokisa.

Ayebi malamu pe polele ete, soki akebi te, nyonso ekokweya pe ekotiola. Na boye akolanda lityo te, masenginya te pe kolembisa te.

Nabangaka mingi koseka moto. Tango eyelaka ngai naseka moto, kaka na ngonga oyo elandi, namilobelaka : « Nawuti kozala zoba, bolole pe elema ».

Wana nakoyeba na polele ete, oyo ngai naseki, ayebi mingi koleka ngai, na oyo ye asali to azali kosala.

Moto akoki kosala po bozoba na miso ya bato. Pe na bozindo ezali se bozoba. Kasi lokola ezali ye nde asali yango, nabangi kobenga ye zoba po nayebi te soki azali kokende wapi.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *