NZEBI YA MATUMU to trigonométrie na français.

Makambo mingi ndenge Nzambe asala yango etambolaka engebene na monene ya kofungwama na yango.

Nzela mibale oyo ebanda esika moko pe ekabwana. Kofungwama wana nde babengaka yango LITUMU (angle na français).
Tozwa ndakisa misato.
Ndakisa ya liboso
Eyaka mbala mingi koluka koyeba, biloko mibale oyo ezalaki esika moko, na sima ya kopusana, eloko na eloko na nzela na yango, bazali mosika boni ?
Ndakisa ya mibale
Soki motuka esengeli etika biloko ya liboso na esika songolo oyo ezali na nzela ya liboso, pe ekende kotila biloko ya mibale na esika pakala oyo ezali na nzela ya mibale, ezosenga atia limba ebele ndenge nini po akoma na bisika nyonso mibale ?
Ebongo soki nzela yango ezali ya ngomba ? Biloko ekomema, kilo suka boni po motuka ebaluka te ?
Ndakisa ya misato
Sango ekendeke mosika na ndenge ya mbonge. Mbonge yango epusanaka na ndenge ya nyoka-noyoka.
Na nyoka-nyoka yango, kogumbama moko babengaka yango mobóngo.
Mobóngo yango ezalaka na kofungwama (litumu) na yango.
Ekosenga koyeba molayi ya mobóngo po na koyeba ndenge ya kotinda sango.
Yango mibeko basalelaka po nakomema maloba yo oyoka yango na radio, otala bilili na tv to pe osalela internet.
Po na kosukisa :
Po na kozwa biyano na makambo oyo nyonso, basalelaka eteni ya matematiki oyo babengaka NZEBI YA MATUMU to trigonométrie na français.
Foto : Bana ya NSENE ETIENNE na sima ya momekano ya TENAFEP.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *