Nzambe salela ngai bikamwa ! elakisi nini ?

Mikolo oyo soki nalingi nasilisa kotangisa, nabetelaka bayekoli na ngai ya lingala na UPN lisolo ya buku ya Genèse chapitre 1 nzela 1 tii 31. Ekobi na Genèse 2 : 1 tii na 3.

Na buku wana babetaka lisolo ndenge Nzambe akelaki mokili na mikolo motoba pe apemaki mokolo ya sambo.
Awa nazoluka te soki ondimi to oboyi lisolo oyo.
Eloko nazoluka kobeta sete awa ezali boye : mikolo nyonso, soki Nzambe asilisi mosala, azalaki komona ete mosala asalaki ezalaki MALAMU.
Mabunga ezalaki te. Bon, na molongo ya makambo, mabunga pe ekoki kozala te. Ye moko nkolo matematiki.
Asali moto na mokolo ya motoba.
Nyonso asalaki, amoni ete esengeli penza ezala bongo.
Mokolo ya sambo apemi. Apemi po asilisi mosala azalaki na yango pe amoni ete, mosala yango asali yango ndenge esengelaki asala yango.
Yo oyei lundi oyo elandi : « Nzambe salela ngai bikamwa ! « 
Donc nyonso wana asali ekoki te ? Amonaki te ke asali yo ?
Alobi malamu : « tosala moto na elilingi na biso ».
Awa ozoya basalela yo bikamwa, esi osali nini ? Omoni makambo osali ezali malamu ? Olingi opema, osilisi ? Omonike eza malamu ?
Okoleka na mokolo ya mibale kaka soki omoni ete oyo okanaki kosala ezali malamu.
Okopema kaka soki mosala na yo ya mokolo motoba omoni ete ezali malamu.
Oza na bomoyi, ezali bikamwa.
Apesi yo makasi na nzoto.
Atia boongo (cerveau) na mutu na yo, eza bikamwa.
Babetaka Nzambe matolo te. Djalelo pe esalaka ye rien. Kanyaka pe te.
Mabulu otimola, okokunda yango yo moko.
Oza petit na ye te. Okufa, obika, Ekolongola ye eloko te.
Telema kende koluka.
Akiper baéquilibre mars na jupiter bakwelela terre te, akipe pe mia na yo !!! Kola ko !

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *