Nani akoki kokamba Kongo ?

Po na ngai, moto nyonso oyo tata na ye to mama na ye azali congolais, moto wana azali Congolais.

Etumba pe elikya na ngai ezali ete, moto nyonso oyo abotama Congolais, akotikala Congolais pe akokufa Congolais ata azwi banationalité kama.

Po na ngai, Congolais nyonso oyo tata na ye to mama na ye azali Congolais, akoki kokoma Tata-Mokonzi to Mama-Mokonzi ya Ekolo Congo.

Ekosenga atanga to asala tii na ndelo oyo ekosala ete akoki kososola makambo ndenge na ndenge ya koyangela mboka pe mokili.

Ekosenga azala na lokoso ya mbongo te pe azala moyimi te, moyibi te, motema mabe te.

Lelo oyo po yo ozali na tata pe mama na yo baCongolais oboyeli bana na biso kiCongolais po mama na bango azali Congolais te. Okanisi tokolela tosenga yo oyokela biso mawa. Okosi.

Nayebisaka bana na ngai, okosenga nzela na moto ata moko te, ata na ngai, po ozala Congolais. OZA CONGOLAIS. OYO AKOBOYA YANGO, AZALI MONGUNA NA YO ! Sala na ye ndenge osalaka na banguna na yo.

Entre-temps nayebisa bango ete : monguna aza monguna, balingaka monguna te. Soki monguna abeti yo mbata na litama ya gauche, zipola ye ebambola na litama na ye ya gauche.

Lokola eza démocratie, totiki moto na moto apesa makanisi na ndenge alingi tata-mokonzi to mama-mokonzi azala.

Nalingi natuna : Na baprésident mitano oyo tozwa, esi ezala na moko oyo, azali na tata to mama ya Congolais te? Lokola tata na ye to mama na ye azalaki Congolais te, yango wana tokota na pasi oyo toza na yango?

Eza bongo?

Foto eza pondu! Ata tata na bino aza Congolais te, okoki kokona yango, eboti, obuki, osukoli, okalingi, otuti, olambi, ebeli, olié.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *