Mukokoli to Quignon de pain ?

Lelo towuti kosomba bilei. Tozalaki na motuka. Ngai nasombaki lipa oyo ya baguette.

Mwana na ngai alobi : nayebi te Nani mukolo-lipa oyo kasi nakolia quignon.

Sima alobi : po na nini na français, babengaka yango pe le cul du pain? Français pe ezalaka impoli.

Ezala « quignon de pain », ezala « cul de pain », ngai nayebi yango te. Natuni ye  » quignon de pain » nde nini?

Alobi :  » le bout du pain ».

Ahan! Wana ngai. Na lingala, babengaka yango : »mukokoli ». Ezali po ezali lokola soki bakati yo suki nyonso, okotikala mukokoli… Boule à zéro… le noyau.

Makanisi etamboli ngai tango nazali kopesa ndimbola wana… Au fait, po na nini babengaka noyau ya manga : mukokoli ya manga. Ekutani n’a mukokoli ya kovo na Nini?

Mbala moko nayé kososola. Ewuti na « kokókola ».
Kokókola elakisi kolongola nyonso oyo ezali nzinga-nzinga. Mukókólí ezali oyo etikalaka na sima ya kokókola.

Manga, soki olongoli poso, olongoli misuni, oyo etikalaka, yango nde babengaka : mukokoli.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *