RDC ekomi na esika banzela mibale ekabwana

Kongo RDC ekomi na matakanelo ya banzela mibale. Kabila oyo azalaki mokonzi baponaki po asukisa na 2016, azali kaka kokoba. Maponami

oyo esengelaki esalama na 2016, esalamaki te.

Na suka ya 2016, bayi-mboka ebele bakomaki penza na posa ya kokita na bala-bala po bandongwana na bato ya Kabila. Kasi basango bafandisaki masolo kati na bato ya Kabila pe bato ya Tshisekedi.

Tshisekedi pe batelemeli misusu oyo bazalaki na sima na ye, na esika batambusa bayi-mboka na balabala, bango balandi toli ya basango pe ya bapaya, bakeyi koluka kokabola bokonzi na Kabila.

Kabila awumbi bango, apanzi bango, atikali ye moko mokonzi, bango bazwi eloko te.

Bomoyi ya biso bato pe lokola mopepe. Na sanza ya mibale ya 2017, Tshisekedi azongisi molimo. Uta wana, Kabila akoma na ye kodondwa na ndenge na ye.

Lelo oyo, manaka ya maponami ebimi. Corneille Nanga alobi ete maponamiem ekosalama na suka ya 2018, soki makoki ezali.

Elingi koloba, soki makoki ezali, Kabila akosala mvula mibale ya matabisi. Soki makoki ezali te, matabisi yango ekoki pe kokoma na yango saki mobimba.

Oyo Jean Goubald ayemba, «asala boni? moto tina te!»

Batelemeli, ezala Felix Tshilombo, ezala Moïse Katumbi pe basusu, ekomeli bango ngonga ya bosolo.

Ezali lisusu ngonga ya mangungu te.  Elingi kolobzaa nini? To batie bato na balabala kino Kabila akokima, to bafandi nye, Kabila atikali.

Tango tozali koloba boye, kelasi ezokoba na kokufa, etikali bamvula ya kotanga po Ekolo mobimba ekoma ya bazoba na bazoba. Na tango wana, badongolomiso bakoya, bakolia biso lokola makayabu. Ekotikala se lisolo, bato oyo bazalaki kofanda awa, bakufa bango nyonso.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *