Mascara ya Fabregas elobelaka penza nini?

Video 1. kososola nzembo

Mascara
Nzembo ya Fabregas.

Bato bayokaki nini ?
Bato basimbaki nini ?
Nzembo yango ezolobela penza nini ?

Po na bato mingi, babengaka nzembo yango na kombo ya «Ya Mado».

Po bango, «Ya Mado» ezali nzembo oyo ezali kolobela mwasi moko ya nzoto minene oyo mibali balandaka ye po na monene na ye pe kitoko na ye.

Bato bakomaki kutu kobenga basi ya nzoto minene ba«Ya Mado».

Bato misusu balobaki ezali nzembo mabe, ezokumisa kibula ya mibali pe ya bana basi. Ezotinda bana basi bamelaka bakisi po baya minene lokola Ya Mado.

Kasi lelo nalingi, totia na se. Tosalela matoyi pe mayele na biso po na toyoka penza maloba ya Fabregas. Na nzembo mascara, alobi nini ?

Liboso nabanda, nalingi nazongisa bino mwa makanisi. Uta bakoko na biso, nzembo ezalaka na ndelo misato :

Ndelo ya liboso ezali longitima : oyoki elengi ya mondule, ndenge ezali kobinisa, kosepelisa molimo na yo, to pe, ndenge ezali kosunga yo na mawa ozali na yango.

Na nzembo ya Fabregas, bato bayokaki refrain ya Ya Mado, bamoni ndenge na bavidéo, bilenge mibali pe bilenge basi bazali kobina.

Ndelo ya mibale na nzembo, ezalaka koyoka maloba. Alobi nini ? Ezali lisolo nini? Elakisi nini ? Toli nini ezali na nzembo yango. Nandimi to naboyi toli yango. Nandimi yango po na nini, naboyi yango po na nini?

Ndelo ya misato ezali ndelo ya likolo penza. Bilima balobeli ye alobela ngai nini? Bakoko balingi nasala na maloba yango nini ? Ekosunga ekolo na ndenge nini? Ekoboma ekolo na ndenge nini?

Lelo, nakosuka kaka na ndelo ya mibale. Alanga-nzembo alobi nini ?

Mascara ezali nzembo ya Fabregas. Abimisaki yango na 2015.

Nzembo ebandi boye :

«Chérie azanga na ye beauté naturelle,
Kitoko ya mascara.»

Po na Alanga-nzembo, mwasi oyo, azali kitoko te na ndenge akelama. Kitoko na ye ebimaka kaka soki atié monzele. Yango nde abengi «Kitoko ya Mascara».

Ata ko bongo, kitoko ya mwasi na oyo alulaka ye. Kasi tokoyeba pe, kala mingi te, po na nini, mwana mwasi oyo, abombamaka na kitoko ya Mascara.

Fabregas abakisi :

« Kolinga mwasi na butu te, masta, molili ekosa yo te. Tango mosusu, beauté na ye ya mascara.»

Fabregas apesi toli. Na butu miinda ya bar ebimisaka nyonso kitoko. Ezali esika ya loyenge. Ata osepeli na moto, malamu bopesana elaka, bokutana na moyi. Kitoko oyo oluleli ye, tango mosusu, soki alongoli monzele, okoboya.

Tomoni ete, mwana mwasi oyo akendeke na bar. Ayebi malamu ete, soki atikali kaka na kitoko ndenge akelama, mibali oyo bakendeke na bar, bakokipe ye te.

Na lisakola oyo elandi, Fabregas alobi :

«Mama ee, akufi, atiki testament. Baoyo babimaki na ye, mitali bango, liste ebimi,
batie maboko na moto. Tokolela elongo neti singa ya matembele.»

Mwana mwasi oyo azwaki bokono pe akufi. Atiki maloba. Atangi mibali nyonso oyo abimaki na bango. Moto na moto ayebi ete , ya ye mobembo na mokili ekomi na suka. Soki otali na video, Fabrigas atandi bato na molongo. Tokokende elongo lokola na singa ya matembele. Oyo akufi,

«Je te jure, banzele ya Kinshasa bakoma kopakola na mipende»

«Nyama na moto eloko ekabola
Na makanisi
Nyama abulaka te
Moto abulaka».

«Eh Ya Mado
Tala tibia
Tala genoux
Nyonso ya yo
Tala loketo
Tala poitrine
Mado tshoko frappant
Mado femme africaine
Mado tala poitrine
Tala derrière
Nyonso ya yo»

«Bamasta balela ya Mado
Eh Ya Mado
Nzambe na ngai
Mokongo pasi»

«Tala mopende
Bayaya balela Ya Mado
Eh Ya Mado.»

Olingaki mwasi na butu, na bar.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *