Mario – Franco Luambo Makiadi

 

 

 

 

Nzembo oyo, kombo na yango «Mario »

Bokuse

Nzembo oyo ezali lisolo ya mwana mobali moko kombo na ye Mario. Mario atanga bakelasi ebele, azwa badiplôme ndenge na ndenge, kasi alukaka mosala te.Alinga mwasi oyo aleki ye na bamvula ebele. Mwasi yango azali na moto ya

mbongo. Ye moto “alatisaka, aleisaka pe alalisaka” Mario. Kasi, Mario azali na bizaleli ya mabe. Soki likambo moke, akobeta mwasi na ye. Mario, zuwa eleki ye. Yango wana, mwasi alembi ye. Abengani Mario, Mario azongi epayi ya baboti na ye. Luambo alobi ezali toli azali kopesa na bana mibali oyo balingaka koluka misala te, balingaka se kozwa basi oyo baleki bango na mbula pe na mbongo.

Oh Mario

Luka ata mwasi yo moko obala

Mario mosala obe kolinga bamama mobokoli

Basuka yo te ?

 

Lelo makambo, lobi makambo,

nalembi

Lelo bitumba, lobi koswana,

nabaye

Naboyi kobebisa nzoto na manzaka

nalembi eh

Mario nalembi e e

Mario nabaye e e

 

Oh Mario nasi napekisa yo

Kolingaka basi bazali na mbongo

Yoka ndenge azali kokaba yo na mitema ya basi mpe na mibali

yo moto ozali na badiplôme mitano, Mario

Sala quand même effort oluka mosala, Mario

Mpo na nini ozali kobebisa

Kosambwisa kombo na yo

Mario ah nalembi

 

Baproduit ngai napakolaka

nzoto ekoma sembe sembe

Okobete ngai nazoka

lobi nazwa maladie ya cancer

Lobi tango nakopola, yo okimi ngai eh

Mario nabaye eh

Mario nalembi eh

 

Bafamille ya Mario bakanisaka

Mario apesaka ngai mosolo

Nzoka, ngai moto nalatisaka ye, naleisaka ye, nalalisaka ye

Mario

Mario nalembi eh

Bima bima na ndako na ngai, Mario

Mpo na nini ?

nyongo ya kolinga ?

 

Akobete ngai na zuwa

epayi zuwa ya lokuta

epayi zuwa ya biloko

akutaki ngai na yango

Likambo moke

mosala koboma biloko ya ndako nasomba

Nalembi eh

Mario

nabaye yo

Kende Mario nalembi yo oh

 

Mario okuti ngai na biloko mobali mosusu asomba

Oyoka elengi ya kovanda te Mario ?

Oyoka elengi te olia na mesa ?

Kaka soki zuwa ekangi yo na poitrine

Olingi kaka kobeta ngai na koboma biloko

Mario si nasalisa yo mingi

Diplôme ya sima ngai moto nasalisaki yo Mario

Bongo lelo ngai nakomi mwasi mabe ?

Mario likambo te

Ah mokili ee! eza kaka boye!

 

Mobali akuti ngai na bomemgo

Asengi acommander ngai nandimi

Mobali akuti ngai na bangenge

Asengi adiriger ngai nandimi

Nabandi kobima na ye

babandi kobenga ye Monsieur

Mario avimbi moto

akanisi biloko na ngai, ya ye ah!

Ah Mario nabaye yo o

Kende Mario

nalembi yo o

 

Mario azongi epayi ya baboti

Akuti mbeto na ye ya bomwana

Ekomi tango ya kolala

mbeto mokuse makolo milayi Mario

Mario nalembi

somba mbeto

nabaye e

Mario nalembi

 

Koyoka motema pasi te

ndako ngai moko nafutaka

Bilamba nasombela yo,

natikeli yo souvenir ya bolingo

Oyo ezali na lavage

nakotindela yo na bato

Mario nalembi yo oh

Kende na yo nabaye yo oh

 

Mario

zuwa lokola fusée Mario

Mario mosala kobetela ngai bana bigogo

Bana yango ya yo ?

Olingi obé bamama mobokoli

 

Akobete ngai na zuwa

epayi zuwa ya lokuta

Epayi zuwa ya biloko

akutaki ngai na yango

Likambo moke mosala koboma

biloko ya ndako nasomba

nabaye yo

Mario

Nalembi eh

Bima bima nabaye yo

 

Mario nalei mbongo ya likelemba mitu tuku misato

Nasombi Mercedes 190

nayebisi Mario mokolo mosusu tobima

Tokende kosala promenade

Tokomi na nzela Mario alobi na ngai

Yo zonga côté ngai nazali

Nakumba voiture mpo bamona que ngai

Moto nasombeli yo yango

Nayebisi Mario te

Ngai kutu naza na posa nakumba eloko nasombi sika

Bato nyonso bamona que ngai moto nasombi

Toweli volant ngai na Mario

Mario atuteli ngai voiture na nzete

 

Nzoto ezali nanu ya meme

olingi obebisa ngai elongi

Il parait basi nyonso ozwaka mosala kobebisa bango bilongi

Epayi na ngai nastopper

nalembi yo

Mario papa nabaye yo oh

Kende na yo nalembi yo

 

Mario alingaka babongisa poso ya matama na pommade

Oh ata ezali mwindu, eya motane

Alingaka kobala basi ya âge na ye te

Alingi obe bamama mobokoli Mario

Mario valise eza na ye te

Soki mama mobokoli abengani ye

Akanga obe biloko na liputa

Babrosse à dents, masini ya mandefu, kisanola

 

Mobali akuti ngai na bomemgo

Asengi acommander ngai nandimi

Nabandi kobima na ye

babandi kobenga ye Monsieur

Mobali avimbi moto

akanisi biloko na ngai, ya ye ah!

Mobali akuti ngai na ngenge

Asengi acommander ngai nandimi

Nabandi kobima na ye

babandi kobenga ye Monsieur

Mario avimbi moto

akanisi biloko na ngai, ya ye ah!

Ah

Mario nabaye yo o

Bima na yo

Nalembi yo

Mema bilamba

nabaye yo o

 

Mario à travers yo napesa baleki mosusu toli

Bakomi kolinga basi ya bato mpo na bambongo na bango

Mobali asali mbongo, asali mbongo apesi mwasi

yo okeyi

okeyi kovandela ye mpo osilisa ye yango

Ah Mario okuti ndako appartement kitoko

Biloko yo moto osombi te yo olali

Ovandi, téléphone, télévision

Oh Mario kanisa que mobali oyo asombaki yango

Amonaki mpasi

likambo nini Mario ?

Llkambo naloba kutu ezali te

Ezali te, ezali te, eza te, Mario

 

Koyoka motema pasi te

ndako ngai moto nafutaka

Bilamba nasombela yo

natikeli yo souvenir ya bolingo

Oyo ezali na lavage

nakotindela yo na bato

Mario nalembi yo oh

Kende na yo

Nabaye yo oh

 

Mario

basapato ya weston

na basapato ya croco

Olataka

Kaka mwasi asombelaka yo ?

Bilamba ya Valentino,

complet ya cuir

Na bachemises ya soie

Baceinture ya lézard

Kaka mwasi asombelaka yo Mario ?

Basuki ekoma ya kolala milelo milelo

Singa singa na moto

Kaka mwasi moto afutaka coiffeuse wana ?

Ha!

 

Baproduit ngai napakolaka

Nzoto ekoma sembe sembe

Okobete ngai nazoka

lobi nazwa maladie ya cancer

Lobi tango nakopola yo oboyi ngai eh

Mario nalembi eh

Kende papa nalembi yo oh

 

Mario azongi epayi ya baboti

Akuti matelas na ye ya bomwana

Ekomi tango ya kolala

matelas etoboka

Ebimisa pasipolomu

Nabaye Mario,

matelas mokosa nalembi eh

Somba matelas nabaye eh

 

Lelo koswana lobi bitumba

nabaye

Lelo makambo lobi makambo

Nalembi

Naboyi kobebisa nzoto na manzaka

nabaye yo,

Mario nalembi e e

Mema bilamba nalembi

Kotika eloko te nabaye

 

Mario nawuti zando

nakuti ye na ndako

Mario asiliki,

nakanisi bana mosala balambeli ye biloko malamu te

Ngai moko nakoti na cuisine

Nalambeli Mario, nati na mesa

Mario aboyi kolia, asiliki

Abengi ngai pembeni

Chérie oyebi tina nasiliki,

nalobi : te, nayebi te

Bacomplet ya lin oyo ebimi sikoyo

Soki osombeli ngai te libala ekokufa ya mbala oyo

 

Mobali akuti ngai na bangenge

Asengi adiriger ngai nandimi

Nabandi kobima na ye

babandi kobenga ye Monsieur

Mario avimbi moto

akanisi biloko na ngai, ya ye ah!

Ah Mario nabaye yo o

Mobali mabe nalembi yo

Obetaka ngai nalembi yo papa

 

Ah Mario vraiment kende na yo kaka

Na bagrand frères ya quartier

Okoma kosalela bango zuwa

Bato bamoni esika ngai nakoli Mario

Ah Mario akomona tango bakosala versement ya mbongo

Baye kotikela ngai

Mario alongoli singlet

Alingi sikoyo asala compte ya mbongo

Zuwa etondi ye na mbanga na mitoki

Mais mbongo yango ozali kocompter, ya yo ?

 

Akobete ngai na zuwa

epayi zuwa ya lokuta

Epayi zuwa ya biloko

akutaki ngai na yango

Likambo moke,

Mosala koboma biloko ya ndako nasomba

Nalembi eh

Mario papa

nabaye yo

kende na yo

nalembi

Lokoso eleki

nalembi yo oh

 

Bafamille ya Mario bakanisaka

Mario apesaka ngai mosolo

Nzoka, ngai moto nalatisaka ye,

naleisaka ye,

nalalisaka ye

 

Mario en tout cas nalembi mbala oyo

Soki oyoki lisusu natuni bamoziki na ngai

Baya kobondela yo

kende libela

D’ailleurs oza mwana ya bato

ngai mpe naza mwana bato ya

point.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *