kosunga na kosalisa, bokeseni ezali wapi?

Kosunga ezali kosala ete moto akoma malamu na oyo opesi ye to na oyo osali po na ye.

Kosalisa ezali kosala mosala elongo na nkolo-mosala po mosala yango ekende malamu.

Kosalisa na ndimbola oyo, tokoki kozwa yango lokola lolenge ya kosunga. Tokoki koloba ete, kosalisa ezali kosunga kasi, kosunga nyonso ezali kosalisa te.

Ndakisa :

Ozali moyekoli. Ozangi mbongo ya kofuta na kelasi. Osengi na tata-mwasi na bino apesa yo mbongo po ofuta na kelasi. Asalisi yo te. Asungi yo.

Ozali kobela. Okeyi na lopitalo. Minganga bazali kosala nyonso po obika. Bazali kosalisa yo te, bazali kosunga yo.

Ozalaki koyoka moto pasi. Omeli kisi ya moto pasi pe oyoki mwa malamu. Okoloba ete, kisi oyo, esungi ngai. Okoloba te ete, kisi oyo, esalisi ngai.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *