Eza pasi natombela bino mobu molamu

Bana ya Afrika, ezali pasi natombela bino mobu malamu.

Po, soki natali ndenge makambo ezali kokende, namilobeli : Hu! bamvula mitano oyo ezali koya, ekozala penza bamvula ya bwale.

Tozongi neti na bamvula oyo elandaki ba1960. Tokembisa milimo, totia mayele pe makanisi na kosunga été, bwale oyo ezali koya, tolonga yango. Ezala na RCA, na Soudan, na Somali,… kuna bitumba ekomwangisa na ndenge ya muké te.

Soki Ozwi bamboka lokola RDC, Côte d’Ivoire, Nigeria, soki totié mayelé te, tozoboma yango elongo. Bipai na bipai, ya mokili na biso ya Afrika, bakelasi ezali se kokufa, se kokufa.

Soki ozali mobola, ozali na makanisi ya ndenge na yo, babengi yo ndoki. Soki otanga, ozali na mwa bamoyen, ozali pe na makanisi ya ndenge na yo, babengi yo moto ya Science Occulte.

Eloko ya kosala na molongo, na ndenge esengeli, ezalaka lisusu te. malamu olomba. Tii po bazwa bagage na yo, batia na tapis roulant, olomba! balobi : yaka toboma elongo!

Na boye, ezali mwa pasi naloba mobu malamu!

Bana ya Afrika, bopika pende!

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *