Congo eee! Hé? 2

Kanda bato wana bazalaki na yango eyokisi ngai mwa somo. Namilobeli : « bakoya kotuna ngai, soki nazali nani. Tango bakoyoka ete nazali mobali ya mwana na ye, ekoki pe koyindela ngai lokola liseki. » Ngai wana, na malembe nyonso, nazongi sima. Lopango ezalaki ya kokanga na kati.

Po na koya epayi ya baPipina, nazwaki bataxi oyo bazobenga mikolo oyo baketch. Ketch ezali mituka ya mike oyo esombamaka na Dubayi. Yenda na yango ezalaka na loboko ya mobali. Yenda, volant! Volant na yango ezalaka na droite. Nazalaki pe na posa ya kokende kaka bongo te. Pipina azali na kati ya lopango. Ebongo soki bakoteli bango kuna, ekosuka ndenge nini?

Entuka bavieux misusu makambo basalaka! Omela batu lar na Beni? Konyokwama oyo bazali konyokwama ekoki te? Tata wana natosaka ye, soki asolisi ngai, namiyokaka penza nakomi moto ya motuya! Tein! Likro!

Nakiti makolo makolo tii na Station Ma Campagne. Bapipina bafandaka na Ma Campagne. Ngai nafutelaka na ngiri-ngiri, côté ya Bayaka. Tango nakomi na Station, neti kaka nazwa nzela nazonga Ngiri-ngiri. Sans koyeba, lokola nde nayini pe na Pipina. Makanisi ezongeli ngai : « Mais Pipina na kati ya vuya ya père na bango, akoti wapi? ».

Nazwi tshombo, nabengi ye. Tigo na ye ezoleka te. Nameki nimero na ye ya Vodacom, rien. Nameki Airtel, ayambi. Azoloba na mungongo na sé.

-Edo, nazali na lopango, mais toza na makambu moko ya grave, nakobenga yo sima.

Nalingi nasala neti nayebi te, kasi nakoki te. Nayebisi ye :

-Nazalaki liboso ya lopango, namoni bato ebele, balobi que Vieux ameli bango lar.

Apemi penza makasi, nayoki makelele ya pema na ye na nzela ya singa.

– Nakobenga yo, pardon. Moyen naloba ezali te. Babengi police eya kobimisa biso.

– Bon, nazali awa na station. Nafandi na nganda ya ntaba. Soki babimisi bino, oya.

– Ok.

Nasengi bayela ngai bière moko.

– Pesa ngai molangi moko ya Nkoyi.

Lokola pe moyi ezalaki makasi, mwa malili wana esala ngai bien. Nazeli banda na 14h tii 17h, likolo ekomi koyinda, mvula esali neti ebanda koya. Natelemi, nazongi lisusu epayi ya bamomi.

Mbala oyo, mobulu oyo nayei kokuta! Boma moto, akufa! Kibota epayi, mabanga epayi, bambeli epayi, bana ya Beni na basoda! Kasi, Pipina na bandeko na ye bazali wapi?

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *