Bayina yo po na nini?

 

Ezali na bato mosusu, bayina yo, likambo osala bango, oyebaka te. Elingi koloba te éte,

osala bango eloko te, te. Osala bango likambo. Yango wana bayina yo. Kasi yo, tango osalaki likambo yango, oyebaki té éte, ozali kosala bango mabe.

Tozwa ndakisa : Olambi soso na loso. Moninga na yo ya pene, asengi yo te. Yo pe likanisi ya kopesa ye, eyeli yo té. Olei soso na loso oyo olambaki na makasi pe mayele na yo. Soso na loso oyo osombaki na mbongo na yo. Kasi yo olei soso. Oyebi pe te, soki azalakii na mbongo ya kolamba loso na soso to pe azalaki na yango te.Ye alei té. Ayini yo.

Yo, olobi osalaki ye eloko te. Te. Mabe na yo, ezali po yo ozalaki na mbongo ya kosomba soso na loso. Ebongaki yo pe ozala mpiaka. Bino mibale, bolekisa mokolo na mayi ya lobo. Yango wana, ayina yo. Oyebaka pe te ete, ayina yo. Mokili se bongo.

Sikoyo osala nini ? Okoma komela mayi ya lobo po ayina yo té ? Akoyina yo pe po ozomela mayi ya lobo lokola ye. Ebongaki nde okufa nzala. Ata pe okufi nzala, akoyina yo po na nzala na yo. Maté! Kokipé yé te. Soki ozwi mbongo ya kolamba madesu na ngulu, lamba, lia!

Ye atikala kaka na esika wana. Aningana te. Akitisa pe ndelo ya koyina yo te. Akoba! Akokufa na kibeka! Toleka!

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *