Bato nyonso bakanisaka lokola yo te

Ezalaka na tango moko, lokola omesani kosolola makambo moko boye na bato moko boye, okomi kokanisa ete, mokili mobimba basepelaka na masolo yango. Nzoka nde bato mosusu epesaka bango kanda. to pe, bamonaka yango neti bozoba.

Neti ngai na makambo ya Lingala pe ya kosalela minoko ya Afrika. Esengaka ngai mwa tango po na kobosana te ete, ezali na bato oyo epesaka bango kanda, ezali na baoyo bamonaka yango bozoba, ezali pe na baoyo elekisaka bango tango.

Soki ozali na ngulupa ya bato oyo, malamu po na yo, olongola ngai na molongo ya baninga na yo ya Facebook. Po, nazali na masolo mosusu nabetaka awa te, kaka yango wana. Na 2017, po ozala kimya, Longola ngai. Nakoyina yo te.

Nalobi na yo ya solo! ngai pe, nalongola bato ebele, oyo makambo na bango namonaka yango bozoba, ezanga tina to ezolekisa ngai tango.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *