Banda nanu koboya nyonso bayebisaki yo

Banda na koboya nyonso bayebisaki yo.

Bandela kotalela likambo moko moko na mayele pe bwanya oyo Mokeli na yo atiaki kati na yo.

Oyo nazali komona ezali ya solo to ya lokuta ?

Oyo nazali koyoka, ezali ya solo to ya lokuta ?

Sima nde okotala soki bakoko na yo baloba nini po na likambo yango.

Ondimi makanisi na bango to oboyi yango?

Salela mayele pe bwanya oyo Mokeli na yo atia na kati na yo.

Sima nde okotala, baoyo ya yo, balobi nini po na likambo yango.

Ondimi makanisi na bango to oboyi yango ?

Salela boyebi oyo okomi na yango.

Salela mayele pe bwanya oyo Mokeli na yo atia kati na yo.

Sima nde okotala mokili (zamba, esobe, ebale, ….) elobi nini ?

Ondimi yango to oboyi yango ?

Salela boyebi okomi na yango

Salela mayele pe bwanya oyo Mokeli na yo atia kati na yo.

Okosukisa na komituna :
bapaya balobi nini?

Ondimi yango to oboyi yango.

Salela boyebi okomi na yango

Salela mayele pe bwanya Mokeli na yo atia kati na yo.

Na bongo, yo moto na kati ya bato,

Okosimba etelemelo na yo

Yango nde,
Ekopesa yo nzela ya kokende liboso, Ekopesa yo nzela ya kokatisa zamba, bisobe pe bibale.

Ekopesa yo nguya pe makoki ya kotyola pe konana.

Kino okokisa etinda na yo na mokili : moto na kati ya bato.

Ekolo bakotyela yo motema.

Nsomi ya mboka,
Etamboli na yo eyokisa nsayi na milimo ya bakoko na yo.

Okitisa bilima motema.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *